Ne ashini APATITE : assit ka utshipanit aiat ka natuapatakanit

site de production de la Mine Arnaud

 

Ne eshinikatet atusseun Mine Arnaud, tshika nutashinenanu anite, ne ashini ka ishinikatakanit apatite tshika nanatuaukaikanu anite pessish Uashat. Ne atusseun etutakanit nakatuapatakanu ne assi kie auenitshenat epiht anite pessish mak kanapua nashatakanu neme tshekuan ua apashtakanit anutshish kie eka pikunakannit aishinnuat kie uinuau tshe itapashtaht nete aishkat.

Nishtunnuepipuna tshipa ishpish atussenanu kie ne atusseun tshe takuak ui tutakanu tshetshi minu-pitutepanit shuniau anite tshitassinat. Tshipa shuniatshenanu kie tshipa mishau atusseun ute pet Uashat mak anite Uepishtikueiau-assit. Peikutshishemitashumitannu auenitshenat tshipa atusseuat mekuat tshimatakaniti (nishtunnuepishimua) mak tshika tshi atusseuat nishtumitashumitannu auenitshenat meshekut etananut kie anite upime tshika katshitaukuat neumitashumitannu ashu nishunnu ashu patetat. Tshipa minupuat anitshenat tshe atusseht kie tshipa minu-tshishikuakanuat anite netuapatakannit ashininu apatite, aiat nanitam netuenitakanit ne ashini.

Etatu ui tshissenitamekui ne Mine Arnaud

NITATUSSEUNNAN NITATUSSEUNNAN

ASSI KA NAKATUAPATAKANIT

ASSI KA NAKATUAPATAKANIT

Mine Arnaud pakushenitamu tshetshi ishinakuannit nenu atusseunnu ua tutak miam ka minuat atusseun nenu uetinak tshetshi apashtat ka nakatuapatakanit mak ka ishpitenitakanit assi kassinu anite tshe ishpish itatussenanut. Nasht neme ushkat ka tshitshipananut etussenanut, anitshenat kupanieshat nanatuapatamupanat kie petapanat tshipa itatussenanu tshetshi eka shuku mishta-katshitaikanit neme assi anite tshe atussenanut.

ANITE SHUNIAU E UAUITAKANIT

ANITE SHUNIAU E UAUITAKANIT

Mine Arnaud atusseun an anite kuishku ka ishi-pimutenanut, tshipa shuniashenanu kie tshipa mishau atusseun anite Uepishtikueiau-assit, ute ashit itetshe Uashat. Ushkat nenu shash, Mine-Arnaud uitamupan tshe ui tutak tshekuannu tshetshi mishituepanitat nenu atusseunnu ute tshitassinat mak tshetshi utinat kupaniesha ute etaniti tshitassinat.

ANITSHENAT KIATSHITAUAKANIHT AUENITSHENAT

ANITSHENAT KIATSHITAUAKANIHT AUENITSHENAT

Tshetshi minupanit ne atusseun Mine Arnaud tshika ui tapuetatishunanu anite tshe tshimatakanit. Tshetshi tapuetatishunanut tshetshi takuak ne atusseun ka nutashinenanu, Mine Arnaud patshitinamu tshe aitatusset, tan tshe ishi-pitutepanitat anite tekuannit, Uashat.

Etatu ui tshissenitamekui ne mamuitun ka natu-tshissenitak mak ka nashatak atusseunnu?