NITATUSSEUNNAN
ANITE SHUNIAU E UAUITAKANIT
Neme tshe natuapatakanit ne ashini apatite ka ishinikatet, tshika mishta-minu-nakatuapatakanu neme assi tshetshi eka mishta-uinakutakanit. Tshika mishau shuniau tshe pitutepanit kie tshika takuana atusseuna menuati kie anite tshe minu-kanieunanut neme natuapatakaniti ashini ka mishta-natuenitakanit.
Tshika mishta-mishau ne shuniau, mitshet neminiun tshe ashtakanit anite
Mine Arnaud itenitamu tshetshi anu 854 neminiu shunianu tshetshi ashtat anite tshe uauetashtakannit, tshimatakannit kie munaikannit ashininu. Anitshenat kupanieshat tshe atusset anite kie uetshipaniht pessish tshika matinamatuat anu 30 neminiu shunianu, ukanieunuau miam mekuat nenu munaikaniti ne ashini.
Tshe tshimatakanit anite tshe nutashinenanut
• Tshe ishpish ashtakanit shuniau : 854 M$
• Tshe ishpanit nete pessish utenassa, utenat kie innu-assit : 196 M$
• Atusseuna tshe tutakaniti : 1000 kupanieshat tshe atusseht nishupipuna
Peikuau tshi tshishtakaniti ne tshe nutashinenanut, tshipa itashuat 300 kupanieshat tshe atusseht kie tshika takuana anite upime atusseuna 425, nete upime uetshipaniht anitshenat kenuenitahk atusseutshuapa.
Tshe nutashinenanut
•Tshe ishpitenitakuak peikupipuna : 140 M$
•Ute pessish utenassa, utenat kie innu-assit tshe katshitinakanit : 90 M$
•Atusseuna : 300 tshe atusseht nete ka nutashinenanunit neme nishunnuepipuna ashu nishuaush tshe ishpish pimipanit ne atusseun
Neme nikan eshtakanit anite tshe ishi-pitutepanit shuniau nete utenassa, utenau kie innu-assit
Nenu tshekuannu eshpitenitak Mine Arnaud – Nasht uemut ui katshitinamu mak ui tutamu, Shutshenitamunnu, Uin uemut tipenitamu kie uin aiatshinamu mak Mamu kupanieshat atusseuat – eukuannu nenu iapashtat tshetshi tutak atusseunnu mak nenu eshpitenitak eukuannu uet tutakanit ne mashinaikan eshinikatet takuaikan tshe ishi-pimutenanut atauenanuti mak ne tshe ishi-pimutenanut ashit anitshenat ka uitshi-atussemakaniht atusseutshuapa kenuenimak ne Mine Arnaud.
Mine Arnaud tau anite Mamuitunit ka mishituepanitakannit tshe ishpish pitutepanit ka minuat tshekuan nete Sept-Rivières itetshe. Uinuau, ishinakuannu utatusseunnuau tshetshi mishituepanitaht tshe ishpish shuniatshenanunit anite utenassa, utenat kie innu-assit, kassinu neni atusseutshuapa tekuaki anite itetshe MRC de Sept-Rivières. Tshipa uitshiakanuat anitshenat ka itashumueht tshetshi minupanit neme ua uemautunanut mak tshetshi anu minupanit ne atusseun etutakanit anite itetshe ka atauenanut, anitshenat ka itashumueht mak atusseutshuapa ka takuaki anite pessish.