NITATUSSEUNNAN
ANITSHENAT KIATSHITAUAKANIHT AUENITSHENAT
Neme ka natashtakanit atusseun ua tutakanit, anitshenat Mine Arnaud etusseht ui pushipaniepanat nenua pessish epiniti auennua anite tshe aitussenanunit mak kanapua atusseutshuapa tekuanniti anite pessish kie nenua innua ka taniti anite assit. Ui tutamupan nenu atusseunnu tshetshi kassinu tapuetaminiti. Kanapua, ninan etenitamat, tshetshi minupanit ne atusseun Mine Arnaud tshika ui tapuetatishunanu anite tshe tshimatakanit.
Tshetshi tapuetatishunanut tshetshi takuak ne atusseun ka nutashinenanu, Mine Arnaud patshitinamupan tshe aitatusset, tan tshe ishi-pitutepanitat anite tekuannit, Uashat. Neme tiapuetatishunanut ne mashinaikan tshe itatussenanut tshetshi pitukatakanit anite etaht auenitshenat, tutakanu e mamitunenitakanit neme tshekuan ua apashtakanit anutshish kie eka pikunakannit aishinnuat kie uinuau tshe itapashtaht nete aishkat.
Mine Arnaud, peikuait ishi-patshitinamupan aimunnu anite pet utat pipuna kie natepan auennua mak ui pushipaniepan auennua ka katshitauat anite tshe munaik ashininu eshku nanitam tshika ushkuiu anite tshe tutamukue utatusseun. Ne tshe ishi-pimutenanut ashit auenitshenat, ui tshiuenamuakanuat nenu eshi-pakushenitahk kie tshekuannu ka natuenitahk. Ui tutuakanuat auenitshent tshetshi nakatuapatakanit kie nashatakanit ne atusseun.