Ne apatite : aiat ka natuapatakanit ne ashini

Mine Arnaud itenitam^u peik^u nenu muk^u tshiam ashininu tshetshi natuapatak : apatite ka ishinikatenit. Ekute anite uet utaikanit ne eshinikatet phosphore (P₂O₅) mitshetuait itapashtakanu, nete ushkat iapashtakanit anite ka patshitinananut assit.

Ne ashini tshe utaikanit anite assit tshika pitshishkaikanu kie tshika aitutakanu anite tshe munaitshenanut tshetshi utinakanit ne ka ishinikatet phospore. Mamu anite tshe ishpish tutak nenu apatite ka ishinikatenit, 1,3 neminiun tshe apashtakannit anite ka patshitinananut assit.

Anite ka nanatuapatitshenanut neme tekuak ashini apatite nete Mine Arnaud, mishta-minuau inanu. Neme eshinakuak ashini anite Uashat eukuan ume eshinakuak:

• Mishta-shutshishimakan ne tshekuan inanu : nete atusseutshuapit tshe aitutakanit ne ashini, tshika ishpish shutshipanitakanu 39-40 % ne eshinikatet P₂O₅ ;

• Neme eshpish minuat kie eka uinakuak ne ashini : ne ashini apatite apu takuak anite neme eka ka minuat tshekuan shash apu shuku minuatakanit anite ka patshitinananut (mate : neni matshi-natukuna ka ishinikateti arsenic, uranium, cadmium, mak kutaka).

Mishta-nanatuenitakanu ne ashini apatite tanite mishta-shutshishimakan nete ka mishkakanit canton Arnaud, aiat mishta-natuenitakanu shashish anite pet utat uet ishinakuak.

Mitshet tshekuan uet ishinakuak ne tshetshi mishta-natuenitakanit :

• Nete ait assit ka tshitimaunanut, ui apashtakanu ne ka nitautshitakaniti patshitinauna;

• shash apu mitsheki patshitinauna-mina tshetshi nitautshitakanit tshekuan nete mishue assit;

• amatshuepanu neme ka ishi-natuenitakanit nete ka apashtakanit uapikuna ka nitautshitakaniti tshetshi tutakanit pimi tshetshi pimipanitakanit tshekuan;

• neme ashit netuenitakanit tshetshi etatu minuat mitshim;

• nemeni tshepaikaniti mitshet shash ka nutashinenanuti apatite;

• e amatshuepanit eitatshitakanit neme e tshimatakaniti ka nutashinenanuti.

Kutak ashini tekuak anite : ishinikateu magnétite titanifère

Ne eshinikatet magnétite titanifère takuan anite ne tekuaki ashini apatite, anite utshipanu katshi aitutakaniti ne ashini, katshi mamunakanitaui ne eshi-takuak anite ashinit.

Ne eshinakuak anutshish ne e uauitakanit eshinikatet magnétite titanifère, Mine Arnaud ishi-utinam^u miam ka ishkupanit ashini tshe ui uepinakanit, tanite apu anite uiesh tshi atauatshenanut ne ashini. Muk^u ma, ne tshipa tshi ishi-uitshiueu anite assit mak at anite itetshe shuniat, Mine Arnaud kutshipanitau tshetshi mishkak anite tshipa atauatsheu, ekute tshipa tshi ishpanu ne ashini, atut tshipa mishkut miam uepinashun itenitakanu.

Minu-uauitakanit ne ashini uetshipanit anite apatite tekuak, tshipa atshupanua nemeni uepinashuna, anu 20% kie tshipa shuniatsheu ne atusseun Mine Arnaud.