Caroline Hardy

Michel Lafontaine

Utshimau ka takuaimatak tshe aitatussenanunit mak shunianu

Michel Lafontaine uin anite utshimau e takuaimatakannit kie nenu shunianu nakatuenitamu nete Mine Arnaud, nemenu tshitshipanipan etusset ushkau-pishimua 2012. Nete mishta-katshishkutamatsheutshuapit Trois-Rivières (UQTR), nemenu 1981, katshitinepan utshishi-tshishkutamatsheu-kanuma tshetshi atusseshtak atusseutshuapa. Anite tapishinu atusseutshuapit ka mamuituht anitshenat atshitashuna kie shunianu ka atusseshtahk anite Uepishtikueiau-assit (CPA).

Nemenu eshpish atusset, mitshet tshekuannu tutamupan miam nenu ka nakatuapatak kie ka takuaimatak atusseunnu kie shunianu anite mitshet atusseutshuapa tekuanniti ute Uepishtikueiau-assit mak tapan anite ka shenakanniti mitshet atusseutshuapa.

Nemenu eshpish atusset ekue pikutat nenu tshekuannu etutak, eukuannu uet tshi mishta-nishtuapatak utatusseun anite shunianu e atusseshtakannit, e aieshkushtakannit tshe ishpish apashtakannit kie tshe nakatuapatak tshe itapashtakannit nenu shunianu miam ka itenitakanit tshe ishpish apashtakanit ne shuniau mak tshetshi nashatak eshpish pitutepannit shunianu. Neme e nakatuapatakanit pitute eshpanit kie neme e takuaimatakaniht kupanieshat, eukuannu nenu ashit utatusseun tshe ui tutak.

Hugo Latulippe

Hugo Latulippe

Utshimau ka takuaimatak nenu atusseunnu ka pimipannit tshekuannu

Mitshetuait atusseu anite ka nutashinenanunit kie nenu assikumannu e aitutakannit, ne Hugo eukuan an ushkat kupaniesh ka takushinit anite Mine Arnaud nemenu shiship-pishimua 2011. Mitshet tshekuannu atusseshtamupan anite eshpish tat atusseutshuapit.

Nenu eshpish tshitshipanit etusset, nete atussepan ka nutashinenanunit nete utenat Matagami, Amos, Val-d'or, Troïlus mak Goro Nickel nete Nouvelle-Calédonie. Mishta-nishtuapatamu nemenu e pushtashunanunit kie e aminashunanunit anite ishkuteu-utit, nenu ashininu e pushtakannit eukuannu nenu eshinakuannit utshissenitamun mak utatusseun anite e mishituepanitakannit nenu ka nutashinananunit.

Hugo atusseshtamu ka nutashinenanunit, nete katshitinepan utshishi-tshishkutamatsheu-kanuma mishta-katshishkutamatsheutshuapit Laval nemenu pipunnu 2001.

Bruno Perron

Bruno Perron

Utshimau ka tshitapatak ashiniu-atusseunnu

Nete uetshipanniti utshishi-tshishkutamatsheu-kanuma mishta-katshishkutamatsheutshuapit Chicoutimi, ka tshishkutamuakanit eshinakuannit assinu kie eshi-tapitinniti ashinia nemenu pipunnu 1990, Bruno Perron tshitshipanipan etusset nete ka natu-tshissenitakannit assinu kie ka nashatakanit eishinakuak. Nenu minuat ekue atusseshtak ka natuapatakannit ashininu, uitshi-atussemepan atusseutshuapa SOQUEM minuat ekue ka nutashinenanunit atusset ashit nenua Mine InmetProjet Troïlus, ka tshissenitak eshinakuannit assinu kie eshi-tapitinniti ashinia itatussepan. Nemenu pipunnu 2005 nuash 2012, tapan anite tshatshipanitakannit nenu atusseunnu nete ka nutashinenanut Rosebel (Surinam) itatussepan miam auen ka nishtuapatak assinu kie ashinia eshi-tapitinniti. Nete ashit tapan ka nutenakannit ka nutashinenanut Meadowbank (Nunavut) iapit miam ka pikutat, ka nishtuapatak assinu kie ashininu eshi-tapitinniti.

Nenu eshpishanit tshekuannu ka tshishkutamatishut nete ka atusset, nenu tshe nishtuapatak eshi-mishituepanitakanit atusseun ua tutakaniti anite ka nutashinenanut, eukuannu uet Bruno takushinit anite Mine Arnaud, uin nenu utshimau anite ka atusseshtakannit assinu kie eshi-tapitinniti ashinia, nemenu 2012 ut tat.

Michel Lafontaine

Alain Dorval

Utshimau ka takuaimatak nenu atusseunnu anite ka ishi-pimipanitakannit tshekuannu

Nemenu 1983, katshitinepan ukatshishkutamatsheu-kanuma, nete mishta-katshishkutamatsheutshuapit Laval. Alain Dorval atusseshtamu ka nutashinenanunit nenu e aitutakannit ashininu. Mitshetuait tshi aitatusseu anite itetshe ka nutashinenanunit, ka nanatuapatitshenanunit mak anite ka mishituepanitakannit e aitatutakannit ashininu kie ashit ka natshi-natu-tshissenitak tshekuannu nete innit. Mitshet uitshi-atussemepan upime atusseutshuapa, utshimauipan anite ashininu e aitutakannit kie mitshet mashinaikana tutamu netu-tshissenitakannit kie etusseshtakannit ashininu nete ait assit nete Argentine, Australie, Burkina Faso, Canada, Chili, Côte d'Ivoire, États-Unis, Guyane Française, Guyane, Inde, Libéria, Mauritanie, Mexico mak Venezuela. Mitshet auennua tshishkutamuepan, katshishkutamuakanishiht, kupaniesha ka atusseniti anite ka nutashinenanunit, ka pimipanitaniti atusseuakana, ka natu-tshissenitahk tshipa itapashtakanua ashinia kie kutakat nete Burkina Faso, Canada kie Mauritanie.

Mitshetuashish uitshimauipan ashit etusseniti kupaniesha pitshenik ka tshitshipanniti tshetshi uauitshiat, tshetshi uitamuat tshe aitatusseniti, anite ka tapishiniht nutim anitshenat ka itatusseht anite Uepishtikueiau-assit. Nanitam nenua uitshi-atussemeu ka atauatsheniti atusseuakana kie ka natu-tshissenitaminiti ka mishta-nishtuapamakaniti atusseutshuapa.

Nete pet utat, 2010 pipun, tapan anite atusseutshuapit Mine Arnaud, kupanieshiuipan, mitshet tshekuannu atusseshtamupan. Mamu nenu tshika ashtau utshissenitamun anite ka nutashinenanunit, ka natuapatitshenanunit kie ka aitutakannit tshekuannu tshetshi uitshiaushit e mishituepanitakannit atusseunnu anite Mine Arnaud nemenu tshe tshimatakannit nuash tshe tshitshipanitakannit mak tshe atussenanunit.

Michel Lafontaine

Emilie Paquet